Jean Codjo, Beninano, iam naskiĝinta en fora Benina vilaĝo, sed nun instruanta en Kanado, verkis novan novelon, pri la spertoj de Afrika intelektulo en la blanka mondo. Li spertis ke diplomo havas varian pezon kaj gravecon: laŭ lando kie oni ĝin klopodas valorigi, laŭ la lando kie oni ĝin akiris, laŭ la vizaĝo aŭ koloro de la diplomito. Li ankaŭ rapide malkovras ke ne absolute ĉiuj blankuloj estas riĉaj kaj ke ili ne ĉiuj adoras la saman Dion. Iusence la nova novelo rolas kiel ŝlosilo al la antaŭuloj. Ne nur la konstatoj estas priskribitaj sed ankaŭ la evoluo de la observanto!
