La libro konsistas el aktoj de la tria Nitobe-Simpozio de Internaciaj Organizaĵoj pri Lingvaj Problemoj en Internaciaj Rilatoj 25-26 julio 2004 en Pekino. Ĝi redaktiĝis de LEE Chong-Yeong kaj LIU Haito kaj estas skribita kaj Esperante kaj angle kaj ĉine. En 1921 D-ro NITOBE Inazô, Asista Ĝenerala Sekretario de Ligo de Nacioj, skribis raporton pri kiel uzi Esperanton kiel internacian helplingvon. Lia postulo ne trovis aprobon, sed lia klopodo igis Universalan Esperanto-Asocion okazigi ĉi tiun simpozion, unuafoje en 1996 en Prago konekse kun la 81-a Universala Kongreso de Esperanto.
La parolantoj emfazas la nunajn lingvajn problemojn, akcentas kiel pli bone estus havi Espernanton kiel mondlingvon kaj avertas kontraŭ la anglalingva hegemonio. Multaj bonaj argumentoj por Esperanto prezentiĝas, sed ili multfoje ripetiĝas. La libro tial estas iom ripetema kaj povas tedigi. Cetere, la libro interesas onin pri la nunaj mondaj problemoj kaj esperigas onin je Esperanto kiel solvon de monda interkompreno kaj paco.
