Bibliografio de disertacioj pri Esperanto kaj interlingvistiko

La eldonaĵo de E. Symoens estas la unua volumo de tiu valora serĉlaboro, kiun li faris per kolektado kaj prilaborado de disertacioj, diplomlaboraĵoj koncernaj Esperanton, interlingvistikon kaj metodologiajn terenojn rilate al la internacia lingvo. La detala bibliografia prezento listigas (el pluraj vidpunktoj traktatajn) 122 studlaboraĵojn, verkitajn inter 1906 kaj 1988. Ĉe ĉiu prezento ni ekscias ne nur la bazajn bibliografiajn datenojn de la verkoj, sed estas donita ankaŭ mallonga resumo. Por faciligi la konsultadon de la studoj plej ofte legeblas, krom la baza informoj, la loko de la publikigo, plurfoje ankaŭ la kontaktadreso de la aŭtoro. La valora kolekto de kolego Symoens ne ĉesis per tiu eldonaĵo, ĉar en 1995 aperis suplemento de la libreto kun pliaj 70 laboraĵpriskriboj. La komencitan laboron ni trovas tre valora kaj nepre daŭrigenda, pro tio nia paĝaro nun lanĉas kampanjon por la katalogado de tiuj verkoj, serĉado de la ĝis nun ne listigitaj malnovaj studoj kaj ankaŭ de novaj disertaĵoj.